釋放自己！趙碩之自爆瞞住媽咪做祼模

藝人趙碩之（Wylie）在奧海城出席壽司店活動，她自爆今晚會擔任祼體畫模特兒，她說：「今晚有一個大突破，會全祼去畀一個男同學畫祼體畫，我阿媽都唔知。（點解會咁做？）因為之前去上戲劇堂，咁樣可以多啲認識自己，可以釋放多啲自己嘅特質出嚟，畫畫同喺排練室一樣可以畀人睇到裏面嘅質地，唔着衫、唔化妝都唔算係乜嘢。（會露點？）唔會去遮掩，佢係讀戲劇同學，好相信佢嘅才華。」

唔介意作品公開

問到當祼體畫模特兒有沒有酬勞？Wylie表示：「冇㗎，大家約咗好耐，希望可以發放藝術嘅小宇宙。（畫幾耐？）幾個鐘，會畫喺一件恤衫到。（作品會唔會畀人睇？）Why Not？冇嘢係唔見得人。（驚唔驚尷尬？）唔會，最尷尬係驚有肚腩。（擺乜甫士？）冇刻意去諗。（三點盡露？）可能㗎，唔想有規範。（有乜準備？）要放開自己嘅思想。（第日會唔會拍全祼戲？）要睇吓今日嘅經歷先，拍戲同拍寫真都要睇導演、演員，要睇藝術質素，同埋享受過程。」