馬國明爆楊明傷後升呢:跑腿交畀我做

20160704
東網電視
更多新聞短片
馬國明話楊明(加上圖右)受傷之後榮升「大哥」,佢就做跑腿。

藝人馬國明(馬明)、蔡思貝、楊明及裕美等於將軍澳電視城為劇集《心理追兇Mind Hunter》開鏡拜神。談到拍檔楊明日前炒車膝頭受傷,馬明大爆同劇演員程可為日前亦不慎跣親尾龍骨,故希望拜神後大家平安無事。馬明笑言自從楊明受傷後就榮升「大哥」:「要搵替身畀佢,佢坐低補大頭鏡頭,跑腿就交畀我明仔做!」

孖女演員談情嗌爽

談到有否拍攝驚險鏡頭?扮演社工的思貝透露會於劇中被惡人追打,而飾演心理學家的馬明就表示於劇中忙於與湯洛雯、楊秀惠及王君馨等談情:「好正,呢個係我做TVB嘅原因,可以劇中同唔同女仔拍吓拖!」