帶5女飛塞班島拍真人騷　王喜自爆好殘忍

藝人王喜與五位女參賽者現身機場，為遊戲節目《喜樂無窮·塞班島》準備出發。五位入圍Model分別是「翻版阿Sa」段隆臻（Lexi）、貌似韓星Yoon A的羅苑珊（Seacole）、李慧玲（Jamie）、李敏嘉（Annabelle）及朱婉禎（Rainie）。

身為節目製作人的王喜，透露節目將拍攝一星期，更笑言遊戲相當殘忍，大部分都是考驗體能：「好似訓練消防員咁，有個障礙賽Game係游完水再上岸跑沙灘！（唔怕冇人完成到？）就係想佢哋完成唔到！」

體貼為參賽者留私隱

他又笑言眾女這七日在鏡頭前只能穿同一件三點式泳衣上鏡，問到會否怕她們走光？阿喜說：「我Check過啲行李，佢哋至少有兩個有砵仔糕，應該有準備防走光（措施），不過啲泳衣係綁帶，有個Game要互扯，希望冇事唔會走光啦！如果走光就打格仔。（真人騷形式拍埋瞓覺？）係喎！但房入面想畀番私人空間佢哋，可能食嘢嗰陣會拍埋！」問他屆時會否也騷肌上陣？阿喜笑言他身為導演有權Say No：「最多下次拍猛男版先同佢哋鬥過！」