新劇高收30點 歐陽震華捐軀任修哥狂Un

20160707
東網電視
更多新聞短片
點解要?籮柚嘅?唔通驚孭孭下會痕?
藝人歐陽震華(Bobby)、胡楓(修哥)和羅蘭等在將軍澳出席無綫劇《一屋老友記》祝捷會,齊齊宣布前晚(五日)最高收視30點,最高收看人數達1,947,300人,並成為本年度第二線劇集最快取得最高30點之劇集。席間,Bobby履行與胡楓30點之約,即場孭起修哥,而修哥當Bobby為坐騎咁策騎,非常好笑。訪問中,他笑指修哥un到他:「我想做呢個夢寐以求嘅動作,但修哥做咗先!」自言教壞細路的他又笑謂自己是反面教材:「唔係點顯得修哥高尚!」
出名續集王
談到成績斐然,問會否考慮拍續集,Bobby即笑指修哥連劇名都已經度好:「叫《老友記返嚟囉》,我話唔好囉囉聲,不如叫《老友記返嚟喇》!我有名係續集王,拍好多劇都有續集!」
讚阿滕演得好
他更指自己隨時有期開工。談到他獲譽「無綫福將」,他即指各位均有功勞:「修哥都咁精力充沛,我哋呢啲細幾年,梗係加把勁!(想拎獎?)今屆我睇好修哥同羅蘭姐,一個男神一個女神。(網民捧阿滕(滕麗名)做視后。)佢直頭係翻生㖭,憑呢套戲省番靚個招牌!」