終於收到亞視欠薪 蔡國威差啲要賣身

20160707
東網電視
更多新聞短片
收番錢咪好囉!
四月一號亞視「熄機」成為過去,但一班前亞視員工包括蔡國威、劉錫賢(肥哥哥)、袁潔儀和張家瑩等的欠薪一直未有着落,一籌莫展下,威仔和肥哥哥都加入追薪行動,聯同家瑩和潔儀姐姐等,都不停搵出路繼續發展事業,如今他們各有着落,威威、潔儀加盟無綫,肥哥哥和家瑩則在外接Job。
「飲得杯落!」
走過生活黑暗期,經努力的追討和斡旋下,前亞視投資者司榮彬旗下公司向他們發放欠薪,除了在亞視資歷較淺的家瑩因未有續約,而獲發一個月薪金和一個月代通知金外共五位數字欠薪外,其餘三人均是有兩個月欠薪和合約賠償,各人均收到達六位數字欠款。他們先後在六月份到律師樓取支票,直至他們相約茶敍,好好慶祝一下成功出糧!家瑩笑言今次再聚,心情與之前分別很大:「攞番自己應得,真係飲得杯落!」
其中最遲收票的威威,坦言等收票時心情惡劣:「我個心又急,收通知電話期間又有好多無謂嘅推銷電話,真係想爆粗!」威威在欠薪期間,過着「使老本」日子,笑言要賣車卻未能賣出時,他有想過「賣身」:「好彩我有儲蓄,冇糧出咪惟有使老本,一日用錢唔超過一百蚊,車又賣唔出,想過賣身搵人包養。」
張家瑩怕咗無綫咪神
潔儀姐姐則表示幸有老公支持,欠薪追回就當私己錢,她笑言:「我唔話畀老公知㗎!(新工作?)簽咗無綫拍劇啦!」肥哥哥則百足咁多爪,有不少外快,故不愁收入,他笑言:「原本畀少啲家用,依家追番欠薪,又要番原本咁多錢喇!(加盟無綫?)睇條件啦,我主要拍戲,如果啱用就搵我啦。」家瑩被問可會加盟無綫,她笑言面對無綫大班咪神都有壓力:「依家傾緊新經理人,希望有新發展啦。」
場地提供:大虾干撈面專門店