麥貝夷忙「湊B」　恨見到有便便！

歌手麥貝夷現身活動時表示剛拍畢內地真人騷節目《好聲音漫步世界》，與三名歌手一齊到西班牙體驗當地文化，又與街頭藝人夾歌等，她說：「好榮幸被列入好聲音，其中兩位歌手係《中國好聲音》嘅學員，喺佢哋身上學到好多嘢。」

另外，麥貝夷透露最近忙於湊BB，原來她早前收養了一隻只有十日大的貓BB：「每日隔幾個鐘就要餵奶同睇實佢嘅狀況，我最初執佢番嚟嘅時候發現佢條尾有少少斷咗，個身有啲傷痕，嚟咗一個月，都睇咗四次醫生，依家佢好健康，識得跳同瀨尿。依家係暫養，因為我爸爸有少少顧慮，之前都暫養過一隻患癌嘅貓。雖然我未有男友又未結婚，但依家好似有咗自己嘅BB咁，一做完嘢就返屋企照顧隻貓，好黐家，同埋好體會到做人媽媽嘅心情，見到小朋友有便便會好開心，我見到隻貓便便都好開心。」