【沒有最爆】胡㻗選過亞生　當時叫羅駿宇

「世界真細小、小、小...」，《東網》啱啱先報道過藝人羅天宇同母異父細佬胡㻗（Fei）今日現身無綫2016香港先生選舉嘅複試。不過《東網》翻查資料，發現原來呢位胡㻗有「景轟」，喺2012年嘅亞洲先生選舉入面，有位參賽者叫「羅駿宇」，當時呢位羅生話自己係羅天宇細佬，雖然最後佢冇殺到入三甲，但係燦爛嘅笑容已經令人留下深刻嘅印象。雖然話「羅駿宇」同「胡㻗」都係細佬，似樣一啲都唔奇，但奇就奇在「羅駿宇」同「胡㻗」似到一個點係連棚牙都一模一樣，所以就引發咗《東網》嘅好奇心。

讚細佬大隻過自己

《東網》事後求證羅天宇，佢就話佢只得一個細佬，證明咗「胡㻗」同「羅駿宇」根本係同一個人，羅天宇仲笑言：「你哋咁都認得。（好似你）佢大隻啲，佢鍾意做gym，有一排操得好犀利，佢都OK，好乖仔，不過有啲緊張。」羅天宇坦言是自己提名細佬，談到選香港先生要穿泳褲，羅天宇謂：「我都OK，佢絕對冇問題！佢最近都接咗個舞台劇，不過依家驚撞期做唔到，佢對呢行不嬲有興趣，之前諗過入無綫訓練班，諗諗吓不如參加香港先生啦！媽咪都好支持。」