張兆輝勁多Job冇時間陪仔女去旅行

20160708
東網電視
更多新聞短片
張兆輝雖然好錫仔女,但男人事業為重,要等到新年先有得陪佢哋去旅行~

演員張兆輝專程由橫店趕回港到尖沙咀出席無綫劇集《全職沒女》煞科飯。張兆輝表示拍攝該劇與劇組合作得很開心,劇組很有人情味,令他很感動,早前劇集煞科大家也不捨得離開,大家等到最後一場戲拍完才一齊收工,監製還請大家吃糖水慶祝。

拍戲兼拍大陸劇

講到歐陽震華的《一屋老友記》叫好叫座,會否對他構成壓力?張兆輝說:「唔會,我冇壓力,劇集收唔收得有好多因素。好似我套《性在有情》因為一啲因素放喺收費電視播放,好多粉絲睇完都話其實唔係咁三級。收視唔理咁多,但係當然希望收視好收,TVB係我娘家,冇TVB我都冇今日。(套劇幾時上?)唔知,要問監製,除非打仗,有需要可能會調,但後期都要做一兩個月啦。(幾時再返無綫拍劇?)最快都要出年,本來諗住暑假同小朋友去旅行,但係接咗一套大陸大型嘅古裝科幻劇,嚟緊仲要拍電影,可能要新年先至可以同佢哋去旅行休息吓。」