麥子樂自爆與丁子高的「情侶關係」

英皇藝人麥子樂近日於社交網站上載一張與丁子高的合照，寫道：「從中一到現在…廿三年了，兄弟們﹗」字簡意深，足見兄弟情義！

原來二人識於微時，子樂更形容自己與丁子高的關係似足情侶﹕「以前我哋會成日鬧交，可能因為好小事就冷戰，嬲對方係因為點解嗰日你唔理我，有時仲會嬲都喊，真係好纏綿呀。（點和好？）睇吓邊個讓步、開聲先囉。後嚟佢先後去咗上海同紐西蘭讀書，我哋嘅友誼都冇斷過。（一早知道大家都有興趣入行？）係，我入行演戲先，不過佢讀書時，已經成日參加歌唱比賽，睇到佢嘅潛質嘞。」

由於這段「情侶關係」，令麥、丁兩家變成世交，子樂笑說﹕「我會帶啲屋企人或朋友出嚟同佢玩，而我去上海學功夫，又會搵佢堂哥丁子峻。兩家人嘅成員好多都相識嘅，出嚟玩好大棚人，好熱鬧嘅。」