蔡和平擲7位數開法包店 推出潮爆月餅

20160710
東網電視
更多新聞短片
蔡和平話最緊要做得開心!

緃橫電視製作半個世紀,人稱「EYT之父」的蔡和平,近年在飲食界非常活躍,以大膽創新作風見稱,去年他獨資7位數在香港開設有機法包店,開創平食法國包的先河後,再首創法式口味月餅,成為飲食界潮流先峰。

現年70歲的蔡和平,動作快,說話速度亦快過人,喜歡用腦,創意無限。早在3年前便染指飲食界,當年添好運點心專門店創辦人麥桂培邀請他合作,於海外成功開分店,吸取這次做生意經驗,去年他獨資在港開店賣法包,顯現大膽本色,他說:「培哥仲大膽啦,當初搵我合作,我覺得做飲食同做電視一樣,電視節目鍾唔鍾意一睇就知,食嘢一樣,一入口就知好唔好食。」

唔怕蝕本

蔡和平堅持獨資經營,他斷言:「因為冇人會咁做生意,我請人,會畀高少少人工,啲人話我唔使畀咁多人工架,又話唔使請咁多人架,叫我請少啲人,問我定價係咪平過頭?如果客人生日嚟到,我會送咖啡,我覺得生日都咁有心嚟,我就送畀你,呢個優惠做咗成年,冇人會咁做,有朋友想入股,可能唔肯咁做。雖然依家係冇錢賺,但生意好難講,就算守三年都唔緊要,但一定要做好,do the best。」

愈做愈開心

蔡和平熱愛工作,每朝6時便起床,風雨不改天天在店內打躉,因為喜歡與人傾偈。他坦言這個年紀,工作是辛苦,但他愈做愈開心,因為興趣,所以不覺辛苦,他說:「以前做健康節目,依家做健康飲食,我嘅感受係一樣,不嬲鍾意創意。(會唔會覺得自己大材小用?)可能有啲人咁諗,睇佢望我眼神,雖然冇出聲,佢以為我搞到咁慘,要開麵包店,但我係做創意麵包,唔係大間細間嘅問題,我做得好開心。」在圈中人緣甚廣的他,不少好友包括藝人王敏德、喬寶寶、沙姐林建明和名媛虞茱迪早前亦率先到店內捧場試食,而60年代的歌手鍾孆誼,更是die hard粉絲。

推出法式月餅

其開設的A La Bakery法式麵包店,麵團由法國空運來港,100%法國製造,成本高,價錢則走大眾化,他又再職業病發說:「就好似做高級節目畀普羅大眾睇一樣,垃圾節目我唔會做,見到人客食得開心,我就開心,我睇生意唔係要賺到盡,我睇長遠,人哋賣一個就夠,我可能要賣兩個半先賺到,但冇所謂。」雖然才七月,但他已與大廚研究推出月餅,創新地以法國金糖代替傳統的糖,做出來的月餅,外表像燙了一層金,恍如「金月餅」,名副其實是中法crossover。另外,他又創新推出手造曲奇,四款口味,包括開心果、朱古力、黃金和金橘皮,全是無添加防腐劑和無基因改造,而且全部材料由法國空運抵港,甚至連水也使用法國有氣礦泉水,全法式打造。

再開分店

蔡和平承認現時中環店舖位置較偏僻,故正物色在九龍區開幾間分店,香港近年經濟下滑,不少行業也受影响,他卻在這個時候計劃開分店,但他卻滿有信心:「開添好運嗰時租金都係最貴,一樣有生意,貴租冇問題,真係有生意就冇所謂,香港飲食係有得做。」

最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結:
http://on.cc/redirect/entertainment