蔡瀚億認有畀人淋水：但我冇喊！

藝人邵音音於ViuTv節目《晚吹-總有一隻係左近》擔任嘉賓，談到麻煩「老鬼」時，邵音音爆料指跟蔡瀚億（BabyJohn）合作拍電影時，BabyJohn曾被臭脾氣的老戲骨一杯水倒落身，嚇到BabyJohn喊了出來！

《東網》就此事致電BabyJohn，他笑言：「呢件事好耐之前發生，唔作詳細交代，唔想再次發大，但真係發生過，不過，我梗係冇喊啦，咁小事都喊成何體統！可能音音姐見我成塊面都係水，所以先誤會咗我喊啦，但我當時確係嚇咗一嚇嘅，不過，好多謝寶寶姐（馮寶寶）、音音姐（邵音音），當時教咗我好多，同埋一班幕後工作人員。被淋濕嗰日，工作人員幫我將濕晒嘅頭、衫、褲逐樣吹番乾，先可以繼續拍攝，真係要好好多謝佢。而今次件事，我嘅諗法喺我係一個後輩，當一次學習。」

而翻查資料，BabyJohn曾跟邵音音、馮寶寶、曾江等合作電影《媽咪俠》，而曾江脾氣一向麻麻，問淋水的人是不是曾江？他表示：「唔回應嘞，問番音音姐啦！」