35歲莊端兒出寫真 神秘人豪包2,000本
20160711
東網電視
更多新聞短片
莊端兒出寫真呀！
又到七月，又係寫真集大戰時候！密封十年33C上圍、34歲的無綫小花孫慧雪開封初露，對撼28歲崔碧珈36G「西瓜胸」揭開寫真戰幔，不過寫真戰又點止咁簡單！名媛諸葛紫岐（Marie）主理的星韜娛樂旗下藝人莊端兒以35E導彈壓軸姿態出擊寫真戰，並即引起神秘人垂青，立刻拍板「包起」！
三個月減15磅
今年35歲的莊端兒為準備是次寫真拍攝，在三個月內嚴格操控飲食下減掉15磅，早前更在日本沖繩及香港拍攝投資六位數字港幣的寫真集《As She Was Born》，大玩時尚、健康及性感三大元素，造型多多包括三點式水着洗車玩泡泡、性感高貴晚裝遊艇取景等，實行推出高格調的「真．寫真」！
從未被問價
貴精不貴多，據知是次寫真原本打算限量推出五千本，怎料竟因而觸動一名神秘人神經，九秒九拍板話要「包起」莊端兒，一包就包二千本！莊端兒接受《東網》電話訪問說：「都聽過有人咁做，雖然我唔知對方身份，但都非常感謝呢位神秘人咁支持！」對於有指不少女星及模特兒先後被問價兼「被照顧」，莊端兒聞言即向「被照顧」Say NO！她說：「咁耐以嚟，我真係冇畀人問過價或者被邀請去飯局，可能冇乜平台可以直接問到我，我係宅女，平時鍾意喺屋企睇波打機或做Body care，好少出去Social，就算出去都係朋友生日或者公司聚會之類。我份人好悶架，實會悶親人，就算去唱K我都唔夠人爭咪唱啦，哈！」
日日飲木瓜魚湯
對於跟孫慧雪和崔碧珈正面交「峰」，莊端兒說：「佢哋兩個都好靚，孫慧雪好sweet，崔碧珈好有sex appeal，佢哋真係我嘅勁敵，哈！我嘅強項係手長腳長，42吋長腿，大家各有各靚！」另外，往沖繩拍攝時，莊端兒笑言曾「心慌慌」，她說：「出發前做晒Survey（調查）去沖繩一個沙灘拍，點知去到個沙灘閂咗，惟有即刻上網搵另一個沙灘，好彩好快搵到。（沙灘艷遇？）靚仔就冇，貓貓就大把！」她續說身在澳洲的母親十分支持她，又笑言自己年紀不少已35歲，故母親支持自己出寫真外，又笑言多得對方的湯水，她說：「我十幾歲開始，媽咪幾乎日日煲木瓜魚湯，我估因為咁而身材好，當然又有媽咪嘅遺傳。」
感激Marie教導
莊端兒說最感激的是老闆Marie，她說：「Marie因為公幹要周圍飛，但係佢真係教咗我好多嘢，例如點擺甫士，邊邊面靚啲、搵衫等等，畀咗好多意見。Marie真係好靚，佢每次出嚟都好有儀態，好有笑容成個公主咁，反而我仲學緊，好多時睇番做訪問啲相，都會反問自己點解咁肉酸！」
對於莊端兒是唯一旗下藝人出寫真，身為老闆的Marie接受電話訪問時說：「唔擔心旗下藝人會競爭，大家行嘅路線都唔同。呢本寫真賣點係靚同健康，睇呢本寫真就知道端兒好有個性，睇完會記住呢個女仔，唔係記住佢嘅身材！（有神秘人包起二千本？）係邊個都唔重要，有人支持端兒就得！」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：