買餸被拍　陳庭欣冇否認唐偉倫係男友

藝人陳庭欣被指跟有米大狀唐偉倫（Warren）拍拖，兩人更被拍得一起去超市買餸玩煮飯仔，sweet到爆，《東網》記者致電陳庭欣，她澄清不是拍拖去街：「嗰日只係同朋友出街，開Party，成班人嘅，唔係得兩個去玩煮飯仔，一向私人嘢都低調，唔想多講。（傳妳同翟威廉分手？）由頭到尾都係好朋友，只係大家覺得我哋喺一齊。」

否認男方係夏文汐表弟

對於有指陳庭欣想釣金龜，她即勞氣地說：「寫呢樣嘢最嬲，我入行後，洗嘅每一分每一毫都係自己搵番嚟，我性格又男仔頭，講嘢又唔斯文，點釣金龜？！（好似影到妳行街?Patpat?）女仔落車整理吓條裙好正常，唔好講到咁核突啦！」雖然沒正面回應是否跟唐偉倫拍拖，但對於男方的事情，陳庭欣都頗為清楚，對於唐偉倫被指是夏文汐的表弟，陳庭欣說：「據我所知唔係，佢同夏文汐應該係無關係。」

翟威廉口供一致

至於陳庭欣「御用」緋聞男友翟威廉，則跟陳庭欣口供一致，指大家是「好好好朋友」，當然不會介意對方做任何事，並提到多年來，陳庭欣在自己不如意時總扶持着他，所以大家關係好親密，對方做甚麼也會支持，亦不會覺得委屈。