向雪懷嘆人生無常　開演唱會玩集體回憶

寫下逾千首金曲的著名填詞人向雪懷將於八月十二至十三日假紅館舉行《2016香港夏日流行音樂會‧向雪懷一生中最愛作品演唱會》，曾與多位天王天后合作的向雪懷今次邀得多位寶麗金年代歌手演出，包括：譚詠麟、關淑怡、王馨平、黎瑞恩及湯寶如等，亦請來新一輩歌手胡琳、王梓軒、陳樂基及鄺祖德參與，兩場合共三十多位歌手獻唱，可謂星光熠熠，向雪懷日前率王馨平及胡琳接受訪問。

唱咩歌交畀歌手決定

問到向雪懷揀歌給嘉賓唱時會否感頭痛？他表示會尊重歌手決定：「唱咩歌交番畀歌手去揀，每個人都有自己喜好，我會尊重大家。」他隨即透露只有一首歌點名要馨平唱，向雪懷說：「佢係第一個知道我搞演唱會，三年前已經叫佢一定要幫手唱，就係鄧麗君嘅《東山飄雨西山晴》，佢係不二之選。」問到馨平會否感壓力？她說：「呢首歌好熟，我係台灣長大，細細個喺台灣成日聽呢首歌嘅國語版，所以旋律係好熟悉。」

堅持寶麗金精神

向雪懷承認去年曾經想過搞作品展，他說：「想搞要有時機，其實有幾個原因，第一係寶麗金精神，依家個圈仲講梗寶麗金精神，呢個Family感覺依家好似冇乜。第二，年紀大咗諗番以前啲嘢，睇番一樣嘢，鄧麗君、張國榮同陳百強，如果大家仲企喺台上係開心事，人生無常，今次係寶麗金集體回憶。」之後他隨即感激一眾參加歌手：「個個咁忙。（一呼百應？）可以咁講，今次好開心。」身為後輩的胡琳坦言有份獲邀感榮幸，屆時會唱偶像黎明的《那有一天不想你》。