發哥戲院霸氣selfie　搞到粉絲唔願睇戲

不時被市民捕獲的神級影帝周潤發（發哥），日前與發嫂陳薈蓮孖公仔於鑽石山戲院現身，一身行山Look的發哥，親自排隊買飛撐《寒戰2》，實行出錢出力支持電影。即使有市民主動讓他先行購票，發哥都婉拒並跟足規矩排隊，相當貼地。

影迷掛住selfie唔肯睇戲

外型醒目的發哥好快就被一班影迷發現，「發哥呀」等等的尖叫聲不斷，隨之亦出現超長人龍，不少影迷除了買票支持外，更希望「野生捕獲」發哥！親民的發哥一如以往的有求必應，與影迷齊玩「神級Selfie」！抵達影廳時，有不少等候入場的影迷將發哥「重重包圍」，他亦把握時間滿足要求，現場更有忠實女影迷以發哥戲中金句向他打招呼：「我下半世咩都唔做，剩係招呼你一個。」發哥聞言後笑說：「吓？剩係招呼我？」臨近開場時間依然有不少粉絲希望集郵，發哥就安撫一眾影迷說：「你哋仲睇唔睇戲㗎？睇完大家一齊影啦！」

發哥自爆會有第三集！

發哥於完場後與同場影迷搞即興分享會，發哥笑言他的兩位偶像郭富城及梁家輝也演得很好，又大賣關子表示：「應該有第三集，睇吓家輝臨尾望住個仔嘅表情。」此話一出即時全場起哄，一班影迷紛紛表示期待第三集，又謂一定要有發哥演出等。發哥在新片中飾演型仔律師，有影迷看畢後尖叫「發哥好有型」，發哥笑說：「我嚟睇場戲啫，你哋講埋咁多呢啲嘢，我怕今晚瞓唔着喎！」

而《寒戰2》在港票房成績愈戰愈勇，截至7月14日，票房逾港幣三千三百萬，令人鼓舞！