【婚照曝光】張彥博當裕美係妹

藝員張彥博、呂慧儀等現身將軍澳電視城，齊齊慶祝主演的劇集《一屋老友記》收視高開，而張彥博有指與裕美有過一段情，二人拍下結婚相更幾乎結婚，問到有關傳言，他否認說：「當時係一個廣告代言，大家先着婚紗影相，有次幫王祖藍拍MV都有一個結婚橋段，可能咁令大家誤會咗，我哋冇拍過拖，當裕美係妹妹，大家都識咗十年。（冇發展機會？）冇嘅，當時做嘢時係有好感，咁多年後只係當佢兄弟。（冇追過裕美？）我都追過好多人，係冇人接受啫！」

呂慧儀唔敢諗爭女配角

而呂慧儀在劇中表現大受歡迎，問會否期望今年拎女配角獎？她笑說：「唔敢諗呀，個角色都幾八婆仔，當初都驚觀眾憎自己㗎，今次都開咗新戲路，自己都鍾意演喜劇吖！」