甄澤權呻赴韓拍攝行程緊密冇艷遇
魔術師甄澤權(Louis)和藝人林盛斌(Bob)等在油塘出席無綫節目《街頭魔法王之魔王之王》記者會。期間Bob玩變啤牌魔術,更出動大肚腩做道具,而Louis就表演將水樽倒轉,亦能令水不流出來的魔術,但到翟威廉照住Louis的步驟去做時,卻淋到Bob成頭水,非常搞笑。

拍十五集嗌辛苦

訪問時,Louis透露今輯第四輯有十五集,屬集數最多、最辛苦的一次。談到他為節目赴韓拍攝,問途中可有艷遇,他即大呻:「我都想有艷遇,但行程好緊密,朝早六、七點就要起身準備,拍到八、九點先收得工,但之後仲要做第日嘅準備,但阿Bob、Grace佢哋就可以食埋飯。」

酬勞比上次好

談到酬勞,Louis坦言不俗:「每次都比上次好,但準備呢個節目要三個月嘅時間,所以出面嘅Job都要推。」而提到上輯有穿崩位,他即謂今輯的魔術會設計得更精密,播放前亦會先看片。