美穗妹妹中山忍自爆獲斟1億日圓拍全裸寫真

這邊廂有日本女星中山美穗今日宣布相隔2年推出連續劇，那邊廂有其43歲妹妹中山忍為舞台劇宣傳同演出。中山忍亮相昨晚播放嘅東京電視台綜藝節目時，大談同家姐嘅關係，佢坦言自己15歲出道當年，美穗已經係超人氣偶像，因而經常被形容為「中山美穗個妹」，內心並不好受，仲自爆自10幾歲開始不斷有人斟佢拍全裸寫真，直至最近都收到類似斟洽，當中有人曾開出高達1億日圓（約741萬港元）酬勞利誘。

近年已轉型做女優嘅中山忍，另方面自爆偶像時代曾經瞞住事務所同男星拍拖，結果激嬲咗事務所，不過佢未肯透露另一半嘅身份。