【心如止水】朱慧敏學佛法唔諗感情

藝人朱慧敏為有線拍攝玄學節目，在其有份的西環華星客棧取景，問到有否叫師傅指點姻緣？她說0：「個人專心事業，學緊佛法，計劃讀碩士課程，感情順其自然。」提到與前度彭懷安的關係？她表示是生意拍檔，有不少會要開，所以經常見面，叫大家不要覺得出奇。問到會否復合？她說：「冇諗，唔知，可能最近見（《使徒行者》）撻沙哥（彭懷安飾）重出光湖先對佢感情有興趣。」她更強調之前被影到二人態度親暱是大家觀眾自行想像的大團圓結局，當時同行有素食餐廳老闆，她說：「依家各自單身，開心，我身體同心靈都要調整，之後先諗，單身都好開心。（追求者？）冇諗，順其自然，我仲細。（你哋互相扶持？）同華星股東互相扶持，朋友都會互相扶持。」

提到會否開分店？她說：「慢慢計劃，要睇市況，做好一樣先，25號有活動，一連串工作，美食展同賣月餅。」

她在節目上亦大爆自己性格男仔頭及倔強，自己喜歡小朋友，將來想生四個，小朋友每日都要上興趣班及入讀哈佛大學。