何佩瑜默認撻着翁子光：等佢自己公開

藝人何佩瑜（Jeana）出席美容活動開幕，她透露9月開新戲，要閉關一個月，因要表達人性黑暗面，情緒與心態都要控制，但無激情戲。問到拍拖所以收斂不拍激情戲？她表示：「冇拍拖都想收斂。呢排自己肥咗。（因為開心？）係。」

唔畀拍法式Kiss戲

提到緋聞男友兼導演翁子光與的關係？Jeana避談同居，但默認拍拖：「比好朋友好嘅好朋友，Super Boyfriend超級男性朋友。（未做到男朋友？）哈哈。（同居？）上次喺傾劇本。（發展中？）哈哈。（約會中？）約會有。（未符合條件？）女仔係要矜持，等佢（翁子光）自己講。」問到翁子光有否教戲？她坦言：「呢套有畀意見。（佢話唔拍得激情戲？）佢話唔好拍接吻戲，只可以蜻蜓點水，唔可以法式嗰種。」問到是否同翁子光就可以法式Kiss？她就笑而不答。問到是否因拍拖而不拍親熱戲？她表示：「唔知，自己都唔鍾意。（唔拍床上戲？）盡量都唔拍，推咗好多戲。（損失幾錢？）寧缺莫濫，我又唔係討飯吃。」