護士細妹獲讚激索　崔碧珈爆：佢身材唔錯

擁有36G豐滿上圍的女星崔碧珈（Anita）今日到書展宣傳寫真，身穿白色斜膊衫只露線頭的她，收起驕人胸器。她坦言不知寫真銷量如何，但有幾位朋友支持，相信「起碼有幾本」，並笑言沒有契爺包幾千本書：「我啲朋友最多買十本、廿本咋，冇咁好彩有契爺。（平時做嘢冇識到老闆咩？）冇呀，點識呀。（有冇人問價？）冇喎！可能我太高大，佢哋唔係好啱。（點睇其他人互寸篤數報大銷量？）我唔知，我就唔會，我最開心係有作品面世，我認為如果冇咁多（銷量），唔需要刻意去作。（你性感底線係點？）三點不露，如果我露，應該真係好想做嗰件事。」

冇嬲林雪

她表示其中一位支持的朋友是林雪，對方更在書中寫了幾句打氣說話。講到林雪有在孫慧雪的寫真粉墨登場，Anita說：「我都係之後先知，我同林雪拍電影講開我就出寫真，我叫佢支持吓我。（嬲佢幫埋阿雪？）唔會嘅。」Anita之前自認保守，揚言不會搞抱抱會回饋Fans，對此她笑說：「依家都冇改變主意，可能會同Fans聚會傾吓偈。」

唔介意妹妹爬頭結婚

講到她上載一張跟家中妹妹合照，她表示對方是其二妹：「我係老大，佢排第二，但好多人以為佢係我家姐。（佢會唔會嬲？）不知幾開心，第一次見報。（網友讚佢索喎！）係索㗎！（有冇你身材咁好？）唔討論啦！係唔錯嘅。（帶佢入行？）佢係精神科護士，就嚟結婚喇！」她笑言不介意被妹妹爬頭結婚，屆時不會性感搶鏡。