網民熱話：那些年追過的…「寫真女王」
20160723
東網電視
更多新聞短片
大家又會揀邊個呀？！
一年一度嘅書展又開鑼啦！每年書展都係寫真集大戰之地，一眾有料之人正面交「峰」，相當有睇頭。而今年雖然有無綫小花孫慧雪處女下海，仲有新一代「咪神」崔碧珈同擁有35E「導彈胸」嘅莊端兒參戰，但不復當年嘅盛況，認真失色不少。正所謂「新不如舊」，唔少網友就大玩懷舊，細數番那些年追捧過嘅「寫真女王」。
1.「浸大E神」楊焉
講到「寫真女王」，不得不提「浸大E神」楊焉（前名楊梓瑤），當年佢憑34E激爆身材極速上位，仲成為宅男至愛。搏到盡嘅佢喺2010年推出寫真集《Huge》，當中佢擺出誘人甫士晒身材，仲玩冰同漏奶，雖然寫真集被批意識不良，但令楊焉殺出條血路，風頭一時無兩！
好耐冇見嘅楊焉，原來依家成為瑜伽導師，仲不時喺社交網站分享素顏玩瑜伽嘅相，雖然佢個樣跌晒WATT，但做瑜伽都谷出三吋事業線，SO HOT！有網友大讚佢身材依然咁正，知道佢開班教瑜伽後，仲係咁問佢喺邊度教，想報名跟佢瘋狂學瑜伽喎！
2.33D 陳靜
同樣有「BIG」爆33D上圍嘅陳靜（DaDa），加上標致五官，簡直係天使與魔鬼嘅結合！唔少網友仲自爆自己嘅「第一次」畀咗佢，即係人生第一本寫真集係DaDa嗰本，就知佢幾受歡迎。可惜，DaDa之後「上岸」唔再出寫真集，近年成功打入影壇嘅佢仲封胸示人，得閒先喺網上晒性感照「派軍糧」咋…嗚嗚嗚！
3.33C 尹蓁晞
至於，擁有日系甜美外表嘅尹蓁晞（Yumi），當年出寫真集大玩制服誘惑，扮過俏護士同性感女僕，狂騷33C上圍，同樣深得宅男愛戴！不過，佢之後喺娛樂圈發展平平，令人印象最深刻竟然係同藝人周秀娜舊愛、髮型師陳偉成嘅一段情，皆因佢哋分手後不時出現隔空罵戰，唔知係咪咁Yumi似乎意志消沉，近年身形脹爆，真係冇眼睇！
4.32B 李蘊
當年個個?模出寫真必晒暴「乳」，唯獨是只得32B上圍嘅李蘊毋懼「胸戰」，以「微波」身材同青春無敵做賣點，同樣有市場，網友仲大讚：「佢簡直係當時寫真界既（嘅）一股清泉。」不過，李蘊結識內地金融才俊羅章冠後退下火線，之後仲下嫁對方兼誕下囡囡羅紫晞，依家睇番佢個人社交網站，除咗同好友G.E.M.（鄧紫棋）同何超蓮聚會外，就係湊女湊女同湊女。
講咗咁多，不如都係睇相先，回味吓佢哋當年嘅風采啦！
網民有話兒：
Alex_CXXX：好想知Carol喺邊度教瑜伽，有興趣報名喎！
XXXKFLAM：識揀一定揀陳靜，有樣有身材！
EdwinXXX：人生第一本寫真集奉獻畀DaDa。
ShXXXChiu：李蘊副微波身材，簡直係當時寫真界既（嘅）一股清泉。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：