極速修身!陳豪嘲肚腩似車胎:快嚟快去

20160724
東網電視
更多新聞短片
陳豪日前先畀人影到佢身材走晒樣,但係今日佢又變番高瘦嘅Model身材,唔通真係咁快修到身?

藝人陳豪(阿Mo)、邵美琪及張彥博等於荔枝角宣傳無綫劇集《完美叛侶》,期間阿Mo大開金口現場獻唱情歌,冧爆全場粉絲!其後受訪時提到阿Mo早前一家五口出巡晒幸福,他笑言當時與老婆陳茵媺(Aimee)一次過帶子女做身體檢查,他又讚兩個月大的B女反應快:「囡囡要打針,帶埋囝囝去Check,順便向醫生取經教仔。(囡囡打針有冇喊?)佢OK,反應快,一咳就打咗,恢復得好。(囡囡Camilla肥嘟嘟?)醫生都讚佢有份量。」

唔怕一家畀人影

談到囡囡樣貌首次曝光人前,即獲網民激讚可愛,阿Mo表示不介意女兒曝光,但表明不會用仔女作宣傳:「多謝,其實冇所謂,我享受一家人周圍去,我好大方㗎,畀人影到都冇所謂。」談到兩位兒子與小公主Camilla相處如何?阿Mo透露大仔梓燁及細仔浩鋒爭住錫女兒,他指大仔更興奮想跳上女兒的BB床:「有時要控制吓大仔,佢興奮到想跳上床!(細仔浩鋒都識自動揮手?)佢好Friendly ,鍾意講嘢。」

講到阿Mo日前被拍到「肚凸凸」的走樣照,但今日他立即重現高瘦的Model身材,阿Mo笑言其肚子,好似車胎一樣:「湊B會有啲肚腩,要畀佢哋坐嘛,但我都要修身,個車胎快嚟快去。」