橋本愛實投訴水着太少布險走光

取代壇蜜成為日本新一代性感女神嘅31歲女星橋本愛實，以「國民情婦」姿態吸納大批男粉絲，近期更接連參演NHK大河劇《真田丸》及新劇《毫無保留的愛》等，氣勢一時無兩。

不過佢昨日喺富士電視台年度大騷《FNS27小時電視》上就大吐苦水，投訴雖然已講明唔想剝衫，但去到水着寫真拍攝現場時，往往被安排着超少布比堅尼，甚至有海螺同帶子水着，或者僅以稻草遮住下半身，全部都幾乎要走光，佢仲即場問節目男拍檔：「男人有咁想睇乳頭嗎？」講到真係嬲嬲豬！

而《FNS27小時電視》請嚟SMAP嘅中居正廣、同問師弟組合Hey!Say!JUMP及AKB48家族成員助陣，但可能受到SMAP未有如往年齊腳跳唱演出，平均收視較去年下跌2.7%，僅得7.7%，認真麻麻。