埋身肉搏　馮盈盈晒蛇腰惡鬥蒙古Daisy

20位候選港姐到上環拍攝廣告，合照時兩位大熱「甫士王」馮盈盈（Crystal）及「蒙古郡主」代蓮曦丹美（Daisy）企正隔籬，Crystal身穿黑色緊身裙盡顯蛇腰及Fit爆身材，至於包到冚的Daisy離奇谷巨胸，一對導彈更對正Crystal！

Crystal受訪時表示今次每位佳麗都有不同服飾展示不同性格，她自己則sell優雅斯文，問到是否其真實性格？她說：「我斯文、活潑都有，視乎要求，今日都有啲內心戲。（之前拍開片？）朋友當娛樂玩算唔算？」她坦言經過昨日淘汰十位佳麗後，心情反而更緊張：「知道之後日程好緊密，競爭更激烈。（男友打氣？）身邊親友都為我高興，唔止佢，個個朋友都有發訊息恭喜我。（尋晚慶祝？）冇呀，今日一早工作，唔敢放肆，反而不停諗點樣做好啲。」她直言少了十位姊妹，今日氣氛不太熱鬧，而且大家都疲累，情緒沒有那麼高漲，但之後會跟落選佳麗再約聚會。談到熱門「升Cup陳凱琳」鄺美淇（Maggie）被foul，Crystal說：「都要接受，同時係唔捨得。」