36歲陳宇琛英倫求婚成功！石修眼濕濕

藝人石修的仔仔陳宇琛（Sam）成功向拍拖兩年的前有線主播Camille求婚！恭喜恭喜！目前身在蘇格蘭與家人旅行的Sam接受電話訪問時，透露求婚已經計劃了一段時間，他說：「去倫敦求婚係因為之前嚟過呢個地方，覺得好適合，加上嫲嫲住喺度，佢一直都想見Camille！」他又笑言求婚之旅要保守秘密，並用盡方法說服家人齊齊去倫敦。

他又指準備求婚戒指時要收收埋埋，但認為Camille應也估到他準備求婚：「早兩個月我要同人傾隻戒指個設計，佢就成日問我去咗邊、做緊啲咩!」又指求婚戒指是特意設計，因想做一款戒指是合Camille心意。

寫定Notes求婚

問到求婚過程，他笑說：「從來都未試過咁緊張呀！有寫定notes準備好晒，以為自己可以好型咁講，但原來準備同講真係兩回事！加上有時差，求婚嗰陣佢都冇喊，反而係行出教堂，爸爸媽媽攬住佢同佢講：『Welcome to our family』時佢就喊，連爸爸都眼濕濕。」

未必香港擺酒

預計明年年底擺酒的他，透露暫未決定地方，他說：「可能喺歐洲，因為大家啲家人都喺英國、美國同澳洲。（喺香港擺？）未必啦，不過要同女方家人傾咗先。可能擺一次或者兩次。」否認奉子成婚的他，笑言自己較保守，加上二人同是基督徒，認為凡事要有步驟。