【8個月情玩完】黃芊詠爆同周永恒分手

20160727
東網電視
更多新聞短片
耍花槍定嚟真呀今次?!不過可能對佢哋嚟講係一個解脫!
藝人周永恒(Roy)同女子組合O.M.G成員黃芊詠(Cherie)相戀8個月以來屢傳分手,期間更傳出兩人曾發生肢體衝突,可是兩人多次否認,更齊現身公開活動晒恩愛以行動闢謠,但「紙包不住火」,Cherie接受電話訪問時,親口承認和Roy於日前分手,分手原因是性格不合致經常為小事發生爭執。
Cherie介意被背上小三之名
Cherie說分手是由Roy提出,對方已搬出同居愛巢,她說:「我哋呢幾個月成日因小事離離合合,我覺得好攰,好難再一齊落去,但佢依然係我合作夥伴,見面唔會尷尬。」問到有傳Roy向她「郁手郁腳」,她否認此事。問到兩人之間的最大問題?她坦言Roy未跟分居太太趙頌茹搞清楚離婚手續是分手原因之一,她說:「係我心中一條刺,我介意被背上『小三』之名,我知外界唔睇好我哋,預咗畀人話我抵死㗎啦。」
Roy話分手分唔晒
Roy在電話訪問中表示和Cherie是處於「分啲唔分啲」階段:「其實我哋都未傾清楚。」不過他承認和Cherie之間有很多問題,很多時在工作上,兩人意見上出現大分歧,他說:「佢做嘢好混亂,覺得佢智力同紀律有問題,我好似湊女咁辛苦,我要湊都湊信希同愛希(Roy女兒)啦。」他又指Cherie經常「一時一樣」,似患「人格分裂」症,他說:「懷疑佢有情緒問題,抑鬱症之類,其實呢啲好似傷風、感冒咁啫,我之前都有呢個問題,食藥、睇醫生就會好番㗎啦。」問為何不帶她看醫生?Roy說有叫她,不過Cherie「不願郁」。