【分手不是朋友】區靄玲勁不屑羅浩楷

20160728
東網電視
更多新聞短片
區靄玲就話羅浩楷(圈圖)嘅「好帶挈」令佢事業「一舖清袋」…真係有少少慘。
前亞視女藝人區靄玲(Edith)推出新曲加精選碟,唱盡梅艷芳、陳麗斯、鄧麗君及甄妮等經典金曲,她日前接受專訪時表示:「我一向都有登台唱歌,咁依家嘅唱片公司高層兼經理人話不如出張唱片啦,咁咪有機會出碟囉,不過因為呢張唱片,我好認真咁跟唱歌老師學唱歌,仲係每一句歌詞都重新學唱,唔簡單㗎。」
羅浩楷「好帶挈」 區靄玲「一舖清袋」
多年前,Edith曾和無綫前藝人羅浩楷相戀,但羅浩楷不捨分手,竟展示她的內衣給雜誌拍照,有指男友對她相當痴情,Edith一臉不屑謂:「係咩?我唔覺得佢痴情喎,如果真心愛一個人點會咁做?其實我只係同佢拍咗幾個月拖,佢大我十幾年,大家係性格不合而分手。」她又指因羅浩楷的「好帶挈」,令她事業「一舖清袋」:「因為形象問題,當年亞視唔肯同我續約,本來有唱片公司簽我出唱片,亦因為呢件事唔同我簽約,嗰時冇晒幕前工作,我被逼轉行做OL。」
問事後可有再跟羅浩楷見面?Edith謂幾年前在電視台化妝見過,不過只是有人「當睇唔到」,她說:「件事都咁多年,我冇再嬲佢,嗰次撞見,我仲想同佢主動打招呼,但我眼尾望到佢,佢好似一見到我就走,咁咪算囉。」