【見鑊打鑊】邱瓈寬話同陳冠希唔熟

歌手陳冠希（Edison）昨晚突然於微博辱罵台灣名模林志玲，有指跟林志玲相識多年的台灣娛樂圈大家姐邱瓈寬（寬姐）都好嬲陳冠希。而陳冠希今日還在facebook與友上載舉中指相，似乎意有所指。今日寛姐接受《東網》電話訪問，她坦言不知道發生何事，她說：「有乜深仇大恨？林志玲一向好乖，唔會同人嗌交，都唔明點解咁，我諗係咪佢（Edison）個用戶（微博）被駭客入侵。」

見一鑊打一鑊

邱瓈寬表示跟Edison父親陳澤民好熟，她說：「我同佢爸爸係好朋友，九哥（陳澤民）個人好nice，反而我同佢囝囝唔係好熟，如果佢真係有唔啱，我都要保護朋友（林志玲）打鑊佢。（見佢一鑊打一鑊？）係呀，點可以咁樣欺負人。」

難以置信：係咪畀人入侵反口呀

寬姐坦言對事件百思不得其解，有傳是陳冠希女友秦舒培與林志玲一齊做內地真人騷節目時，因秦舒培不太懂說話，結果有指因有人「出招」令秦被踢出節目。對此寬姐說：「第一，她怎能跟林志玲比？況且製作單位都說了林志玲對人好好，從來都好乖巧，點會咁樣？我都覺得件事好出奇，冇可能咁樣，我相信可能係陳冠希個戶口（微博）畀人入侵。」