名人：趙世光設靈　趙世曾攜兩子送別

船王之子趙世光今日設靈，胞兄趙世曾與兒子趙式浩及趙式正於晚上七時廿五分到達殯儀館，問到心情如何？趙世曾說：「心情平復番，大家都好感觸，四兄弟得番我一個，有時有好多諗法，傷感以外，覺得一個人在世上除咗要做啲事，要對社會有貢獻，最緊要健康同開心，係人生最大目的，最緊要健康生活同開心。我自己向來注意健康，細佬細我四年，行得太快，佢病咗好耐，行得好安詳。（你同細佬有咩回憶？）回憶梗係有，我哋一齊長大，有千千萬萬嘅事，好多好難忘嘅回憶。（開心多定唔開心多？）我哋經過嘅時光有唔同階段。（之前你哋係咪有啲爭拗？）冇唔開心，向來大家開心。（明天會送佢最後一程？）梗係會嚟。（會葬喺大鵬灣？）你哋要問番家屬。」