背心褸累事？陳偉琪倒奶撼崔碧珈36吋巨胸

藝人陳偉琪與崔碧珈（Anita）出席動漫節活動，兩女毫不吝嗇盡騷36吋巨胸兼4吋事業線，惟陳偉琪外穿背心褸略為失色，對此Anita笑謂：「佢咁都叫保守？不過有時遮掩咗仲性感，雖然第一次見偉琪，但有睇佢Instagram同報道，覺得同佢可以做朋友，因為都係鍾意晒太陽同打排球。」

約Anita打排球

而陳偉琪被問到有否擔心外兩人身材作比較？她謂：「唔覺得只係用身材去對比，我哋着衫風格都唔同，但下次可以約一齊打排球。（有冇睇到Anita本寫真？）未有機會，一係下次約打排球時買本支持。（想唔想出寫真？）係就想出籃球寫真集。（性感上陣？）睇吓點，盡量健康為主。（有冇開心無綫冇搵係做MyTV Super大使，可以出席其他活動搵真銀？）都唔係咁計嘅，冇問題。」

寫真銷量好

談到其寫真集銷量，Anita表示聽聞銷情不錯，更指其母有意於便利店購買其寫真送給親友，沒料一直找不到，她謂：「都唔知係賣晒定係唔番貨，最後佢都搵到兩本送畀親戚。」

送紅酒畀黃柏高

至於Anita公司老闆黃柏高昨晚舉行生日派對，她透露送了一支紅酒給對方，但已於派對上喝清，問到有否飲醉？Anita謂：「冇呀，知今日要早起身，所以早走咗，其他人就飲好多。」