黃智雯力撐甩拖胡定欣:佢要時間復原

20160731
東網電視
更多新聞短片
黃智雯話佢早前去咗英國陪甩拖嘅胡定欣(紅圈),佢話定欣需要時間復原。

藝人黃智雯為新劇《超能老豆》宣傳,透露剛與幾個朋友到英國小休10天,期間相約剛巧在當地的好姊妹胡杏兒、胡定欣、胡蓓蔚等聚會。

第三者唔畀意見

對於定欣甩拖心情,智雯直言每段感情分開後均需時間平復心情,更謂:「佢都係個積極女仔,咁姊妹有咁嘅決定都會支持、關心同陪住佢。(公布分手前已知?)都係,有傾嘅,感情事由佢自己去講,第三者唔畀太多意見。(呢排陪佢多啲?)英國有陪、佢應該都未返嚟。」

智雯更指與定欣、杏兒等姊妹日日都傾計,問到定欣有否很感觸?她謂:「冇,雙方係需要時間復原,係唔會開心,畀啲時間啦,姊妹會畀多啲愛同支持佢。(有指佢逼婚同有第三者?)唔係,呢啲定欣喺網上都交代咗,我唔多講,等佢返嚟再交代啦!」