約埋睇大結局!歐陽震華當眾咀嘴胡楓

20160801
東網電視
更多新聞短片
You are safe in my heart …And my heart will go on and on~~
無綫劇集《一屋老友記》走溫情搞笑路線,自播出以來贏盡劇迷口碑。昨晚劇集播出大結局,一班劇中演員都有約埋一齊追睇,包括歐陽震華(Bobby)、羅蘭、胡楓(修哥)、劉江、劉佩玥(Moon)等等,場面勁熱鬧!
之後,Moon喺Instagram上載多張集郵照,仲留言大晒溫馨:「溫馨的晚上❤喜歡的 欣賞的 敬佩的前輩們在小玥身邊說說笑談談天唱唱歌,很窩心。看著(着) #一屋老友記 中大家感人的演出,眼淚和笑容是最真實的。希望大家看得開心?,學懂珍惜?,活得快樂☀」
劇集話咁快就播完,Moon講到非常不捨,但相反男主角Bobby就偏偏唔行溫情路線,繼續其搞笑風格。Bobby更挑戰修哥嘅底線,當眾嘴對嘴咁咀咗修哥一啖!而一向玩得嘅修哥當然唔嬲豬,仲十分配合咁嘟起個嘴仔,個樣睇落幾Enjoy添!難怪網友見到都頂唔順,紛紛大嗌「重口味」啦!