峇里返台肚凸凸 林心如:很快一家三口

20160801
東網電視
更多新聞短片
林心如結完婚喇,快啲公布好消息啦!

台灣女星林心如同男星霍建華尋日喺峇里舉行大婚,正式成為夫妻。之前一直傳有身孕嘅林心如,着起婚紗時上圍明顯升Cup,官方發放嘅婚紗相都全程遮肚,連好姊妹舒淇都忍唔住話:「雖來去匆匆,但看到妳這麼性感,也值了,Love u!」

據知喺尋晚嘅晚宴,有賓客祝心如早生貴子時,之前對懷孕之說冇透露半點風聲嘅心如,竟然忍唔住漏咗少少口風話:「謝謝,很快就會一家三口了。」

而今日林心如就離開峇里與老公霍建華返回台灣,心如對於機場滿布記者甚感驚訝,見佢一身鬆身工人褲裝打扮,腹部明顯凸起,似乎快將有好消息公布。經過尋日一整日嘅婚禮,心如同霍建華個樣都難掩疲態。