颱風襲港超市掃貨 梁朝偉除罩鬆一鬆

20160801
東網電視
更多新聞短片
影帝偉仔同大家一樣做足準備,入超市大掃貨~~

颱風襲港,天文台更喺晚上8時40分改發8號西北烈風或暴風信號!唔止普羅市民都未雨綢繆,就連影帝梁朝偉(偉仔)都擔心冇啖好食,急急腳喺8號風球前去超市入定貨!

專攻咖哩調味料

偉仔於傍晚六時左右,與好友吳廷燁雙雙前往中環嘅超市掃貨,戴上口罩嘅偉仔甫入超市,即推住購物車四出揀選心頭好,期間唔少顧客都認得偉仔左望右望,但影帝未有理會,仲專攻盒裝咖哩調味料同麵類等,最終偉仔買咗成四、五盒咖哩調味料及大堆食物,睇嚟佢都好緊張吓喎!

除罩抖氣

兩人及後前往排隊付款時,由於人龍極長,偉仔仲忍唔住除下口罩抖抖氣,發現記者在場時都有微笑打招呼。