梁雨恩笑鍾浩賢奇怪兼淆底識唔到女

女歌手梁雨恩及樣子「鬼鬼哋」的男新人鍾浩賢在舞台劇《書虫的少年時代》飾演情侶，舞台劇講述不少求學時代所發生的事情，勾起觀眾青蔥歲月的回憶，雨恩表示最難忘是劇中一段與浩賢玩ICQ的調情戲：「當年玩ICQ係幾令我回味，就算有幾忙，都會不停覆，仲要諗好多有趣話題令對方繼續同你傾偈，依家Whatsapp就冇呢個情懷。（試過ICQ情緣？）唔話你知！但有亂咁Add啲外國朋友，之後做咗網友。」

浩賢則表示雖有ICQ戶口，但多數使用MSN，問到有否試過上網識女仔？浩賢尷尬答冇，雨恩亦代他回答：「佢一定冇，佢太淆底，我都擔心佢識唔到女友，佢太多奇怪生活習慣，特別係超級偏食，不過呢個男仔都好可愛嘅。」

合作打成一片似一家人

劇中浩賢被雨恩、范愷雯及「牛雜妹」李美琪迷戀，但戲中他笑言經常被眾女欺凌，他笑說：「開心嘅，大家打成一片！」雨恩表示很享受演舞台劇的感覺，排練期間與台前幕後日對夜對，感覺猶如一家人：「就嚟演出，係好唔捨得，今次已經係我第四、五次演舞台劇，每次都眾志成城，感覺好熱血。」她又表示《書》劇中有不少歌舞戲份，當中有四首度身訂造的新歌，相信會令觀眾更投入劇情：「我特別喜歡主題曲《那年的天空總是藍》，有《小幸運》、《那些年》嘅感覺，會勾起大家讀書時好多回憶。」