名人：Jocelyn自爆與老公浪漫情緣

名模Jocelyn Luko出席apm古董珍藏展及Pokemon宣傳推廣活動，她坦言自己並沒有玩大熱遊戲Pokémon GO，因工作很忙，怕自己會過份沉迷。她說：「我嘅新生意就快有發布會，以環保物料造泳衣，我依家等緊一種新物料運嚟，所以仲要多少少時間。」

與老公做空中飛人維繫感情

她又透露今個月16日會與老公Anthony Sandstorm一同到日本拍攝旅遊節目，坦言是自己的夢想工作：「我以前住過喺東京，不過好多其他縣未去過，好期待。（住喺嗰邊幾耐？）我做過12次兩個月合約，加加埋埋都兩年。我第一次過去係16歲，每年暑假都會去做嘢，畢咗業之後就一年去兩、三次，係我第二個家。」她又透露自己首次與Anthony於曼谷邂逅後，二人承諾每兩星期其中一人要飛往對方工作的地點見面，日本亦是其中一站。她續說：「Anthony只係去過日本一次，大概一個星期，所以今次我會做導遊，帶佢去食好嘢，同參觀我以前住過嘅地方。而且我有一半日本血統，好開心可以去尋根。（有冇打算喺當地買樓？）冇，我哋有屋喺夏威夷，如果再買會想喺加拿大，因為Anthony家人喺嗰邊，想我哋暑假去度假嗰時住。」

她又表示聽聞香港的樓價將下跌，亦有意在香港置業：「等到樓市真係跌，我哋會入市，依家仲未係時機。」