熱戀期已過　駱胤鳴拍拖冇驚喜只有驚嚇

組合SiS樂印姊妹的駱胤鳴到電台宣傳新歌《沒有》，她笑言與家姐駱胤樺並非拆夥，只是自己出書之餘順道出歌：「我希望佢快啲出音樂嘅教科書，啲人話出兒歌先好賺，Twins都話最賣得係兒歌碟。」

談及現時的感情狀況，駱胤鳴表示很幸福，笑謂已經沒有熱戀時的驚喜，只有驚嚇：「佢成日想嚟接我收工，但佢嚟到，我咁啱可能搭咗人哋車走，所以變咗驚嚇。」她又透露近日與男友會一起搭電車玩《Pokémon GO》捉精靈，不過兩人會為此而有小爭執：「因為佢捉嘅隻精靈啲CP值高過我。」問兩人是否好事近？她即說：「冇諗過，但都希望，呢啲唔急得，我哋經濟基礎未夠，買到樓先算啦！依家我都儲緊錢，想買大啲嘅屋，同埋屋企人住。」