港姐：【20揀10】觀眾有Say踢走一半佳麗

《2016香港小姐競選》20位入圍佳麗今日現身九龍灣，為TVB Fun手機應用程式票選佳麗宣傳，盡力為自己拉票。一眾佳麗以露肩裙高貴現身，先後上台自我介紹，來自新加坡的張家盈信心爆棚，大玩押韻表示：「希望觀眾見到我健康身形，pose夠型，同埋份人夠真誠。」不過亦有熱門佳麗顯得緊張跌Watt，當中代蓮曦丹美表現緊張兼講嘢唔準，令場面尷尬。而何瑩瑩在台上自我介紹時聲調似朗誦，音樂系出身的她被司儀陸浩明寸爆「妳梗係副修朗誦」，而她影相時亦甫士生硬。

20揀10篩走一半佳麗

大會更在活動中宣布，觀眾可以即日起透過TVB Fun手機應用程式投票選入圍佳麗，而20位佳麗中僅有10位能夠進身決賽，決賽名單將由觀眾投票及大會評審委員會結果產生，即每兩位佳麗就有一位要被踢走，競爭相當激烈！而10位成功進身決賽的佳麗，將赴日本福岡拍攝外景。