傳攣聞驚動雙親　唐文龍公開擇偶條件

20160805
  • 東網電視
    更多新聞短片
    唐文龍嘅擇偶條件係要白白淨淨同埋有少少身材。
    藝人唐文龍及邵仲衡出席viuTV節目錄影。對於被傳與劉永健「相戀」轉性向，唐文龍澄清自己「好鍾意女生」，並開出擇偶條件謂：「最緊要白白淨淨、有少少身材，同埋我鍾意後生少少。」
    談到當日與劉永健約會，唐文龍謂：「其實係佢好叻煮嘢，佢教我啫，嗰日都約咗女仔食飯。永健係我識咗好多年嘅朋友，又係我洪拳師傅個仔，我同佢講笑咁講，話『以後點約你呢？』」
    自嘲奄尖
    文龍更指「攣聞」驚動了身在美國的雙親，他說：「不過佢哋好信我，爸爸催婚嘞，我哥確係早兩年結咗婚，冇諗住生小朋友。（你快啲啦。）我份人奄尖，有啲嘢冇得強求，都有對象嘅，詳情唔話你知。」
    同陳少霞仍有聯絡
    談到舊愛陳少霞覓得好歸宿，文龍謂：「我哋係朋友，有微訊聯絡，梗係戥佢高興啦，佢男友好有型！」他指以往拍拖均不會不歡而散：「所以行雷都唔使擔心。」