《3X反恐暴族3》新預告　甄子丹晒真功夫

由雲狄素（Vin Diesel）主演的荷里活系列電影《3X反恐暴族：重火力回歸》（xXx：The Return of Xander Cage）上月推出首波預告一周即破1億點擊率，電影近日再加推新預告，中文版預告更以新加盟的影星甄子丹與韓團EXO前成員吳亦凡（Kris Wu）做主打，兩大型男出盡功夫冧粉絲！

人氣爆燈的Kris睇得又打得，不過真功夫明顯係丹爺嘅強項，繼早前於11秒預告中有瞓身槍戰及使出無影腳後，於片中飾演特工的丹爺今次於新預告中再送驚喜，近距離出連環拳對敵玩埋身肉搏，再加推型爆飛身跳上電單車及Chok盡型仔樣的近鏡，末段更於椰林樹影下遇到索女，未知是否有吸引索女埋身的火辣劇情？

而Kris除有打碟場面，仲新加入持槍逃走一幕，「戰耗」仍未有走樣，難怪不少內地粉絲紛紛留言話相當期待。此外，丹爺另於社交網轉載預告片落力宣傳！