蔡瀚億同霆鋒拍戲唔覺有壓力：係挑戰嚟

藝人蔡瀚億（BabyJohn）到電台宣傳懸疑電影《驚心破》，他表示戲中與謝霆鋒有很多對手戲，但未有太大壓力，反而覺得刺激：「因為大家都好快，一Take過，我都要自己一Take過，係一個挑戰嚟，你要話入就入（戲）。」問到可有機會品嘗霆鋒的廚藝？他說：「冇呀，我都好想食到，但我比較想佢表演結他，我第一隻買嘅碟就係《活着Viva》！」

而BabyJohn日前與蕭定一及張智霖等到重慶出席電影院開幕，他指活動後大家一起去吃麻辣火鍋：「我好鍾意食辣，我係食到上晒癮，好好食，但真係太辣，我哋放棄咗，之後轉食清湯，但返到酒店我屙咗三次。」又謂因為這次主要是去工作，所以未有帶太太同行：「但我喺機場嗰度買咗一磚麻辣嘅牛油畀佢，畀佢試吓重慶嘅味道，佢都鍾意食辣！」