讚有港人精神　陳百祥唔覺巴西治安差

藝人陳百祥（阿叻）為里約熱內盧奧運直播節目任主持，表示整個開幕典禮感覺很巴西，他謂：「佢哋用自己音樂、節奏做晒成個opening，又唔需要好多錢，冇受政治動盪同貨幣下降十幾個％影響，有採訪同事講巴西治安並唔係之前講到咁多蚊同治安唔好，佢哋好安全，冇話特別差，所以應該會幾順暢。」

阿叻更指巴西絕對有港人的趕工精神，早前到當地任火炬手的他，發現該處場館還未竣工，如今十多天後已完工，更謂：「佢哋做完美洲盃同世界盃，對大型賽事有經驗。（鍾意開幕邊部分？）都幾平均，大家睇08年奧運，李寧點聖火好深印象，今次就3個運動員出嚟，用自然、環保同世界和諧方法嚟表達。（冇球王比利？）冇關係，佢哋係冇比利咁出名，但都表達到巴西特點。」