港男赴台拍外景　梁賢基炒單車受傷

10位港男今日遠赴台灣屏東拍攝外景，眾人今午抵埗後便馬不停蹄轉往外景場地。一眾港男換上單車手造型示人，於屏東大鵬灣拍攝公路單車鏡頭，雖然眾男做足安全措施，單車褲更有安全墊，但仍看得出5號胡㻗及8號伍禮騫下體雄偉，而身形Fit爆的3號梁裕恆，則上衣拉鍊只到胸前，小露事業線。

而在公路拍攝期間發生小意外，10號梁賢基（Jeffery）於公路踩單車時有汽車從旁經過爬頭，沒有公路單車經驗的他反應過大，閃避時不慎炒車，右手㬹及右腳膝頭擦傷，旁邊的港男即把他扶起，工作人員上前為他洗傷口。Jeffery整理過後，接受訪問時稱：「唔小心整親，當時落緊斜有車經過，自己經驗少，突然見有車爬頭有啲反應太大，所以失平衡炒車，有少少擦傷。（驚影響表現？）應該唔會，小小皮外傷。（要落水拍攝？）會盡力，睇吓導演點安排，會做好自己盡力而為。（對踩單車有陰影？）唔會，會想再挑戰。」

而胡㻗亦是首度挑戰公路單車，問會否感辛苦？他笑說：「好玩，係好經驗，自己都鍾意踩單車。（擔心現形？）唔驚嘅，條褲有墊。（覺得公路單車危險？）有少少擔心，知道有參賽者受傷，但我冇見到經過。」