《城寨英雄》再創高峰 衝破200萬人收睇

20160810
東網電視
更多新聞短片
真係好勁呀!

由陳展鵬、袁偉豪、胡定欣、伍允龍等主演的熱播劇《城寨英雄》,昨晚三位肌男準備展開激鬥,令收視再創高峰,最高收視達31.3點,即已衝破200萬劇迷觀看,認真犀利。話說這一場大戰相當有睇頭,除了有三位功夫猛男準備展開生死對決,伍允龍亦已經率先除衫最晒SHARP爆肌肉線條,小編亦可以再透露少少,打到興起的「拳佬」陳展鵬亦會除衫晒肌,而「牙佬」袁偉豪雖然為新劇奉旨除衫,不過今次就稍為保守,三位型男齊齊晒肌的機會可能就要留待劇情進展啦!而今晚可以預見激烈的肌肉碰撞,到底兩位八極傳人能否成功對抗慘被暗算的泰拳高手伍允龍呢?

而視后胡定欣除了身手了得,亦被劇迷讚「姣功」強勁,預告多少少畀大家知喇!今晚「刁蘭」定欣又有機會品嘗「小鮮肉」牙佬,到底二人又有何進展,就要留意今晚九時三十分《城寨英雄》。