胡定欣抽袁偉豪水搞到入院:太肉緊!

20160810
東網電視
更多新聞短片
咁肉緊呀!
無綫劇集《城寨英雄》演員胡定欣、袁偉豪在將軍澳為劇集宣傳,並公布喜訊,昨晚第九集錄得播出以來最高的31.3收視點,逾203萬觀眾收看,平均收視29.1!
互相信任
胡定欣被袁偉豪與陳展鵬連環揼心口施展心外壓拯救一幕成為網上熱話,胡定欣受訪表示:「冇諗過大家對呢幕有咁大反應,為咗效果逼真,足足拍咗兩日。佢哋都好好,好錫住我驚我頂唔住,我話會盡量頂,佢哋見掂到就收,用反應搭求。(尷尬?)唔會,為角色啫!」袁偉豪表示拍這種戲最重要是互相信任,事前已經溝通好,不會有多餘動作,他笑說:「最辛苦梗係定欣啦,畀我同展鵬蹂躪。」
入院照X光
昨晚一集講到胡定欣狂摸袁偉豪的胸肌「抽水」,她笑說:「我拍呢幕摸到手指拗柴,要即刻入醫院照X光,可能拍得太肉緊。不過,最擔心係佢啲女粉絲打我。(怕唔怕佢女友嬲?)反而唔怕,佢女友好大方亦都好專業。」
袁偉豪Enjoy被摸
袁偉豪笑謂粉絲不會妒忌,只是羨慕,他說:「我畀定欣抽水都抽得好開心,佢唔尷尬,我當然享受喇!」定欣也愈講愈興奮:「我從來都未試過咁樣摸男人個胸,佢當時又好弗,摸上下好立體,感覺好奇妙。」對於收視好,定欣表示開心,但更關心觀眾口碑很,她說:「冇目標,希望一路升,口碑最重要,辛苦都值得。」袁偉豪則希望有35點甚至乎40點收視!
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: