林穎彤唔想見親老竇：我要保護媽媽

無綫劇集《城寨英雄》在將軍澳宣傳，劇中憑鑫鑫一角跑出的林穎彤近期人氣急升，除了在社交網站多了粉絲，還多了不少工作，她笑說：「依家出街大家都叫我鑫鑫，問我爸爸幾時死。又話早知畀夏滿哥『開苞』好過下場咁慘。」

報答媽媽

劇中林穎彤被輪強姦至死，更有個衰爸爸，現實中林穎彤身世同樣淒慘，出身自單身家庭的她自小與媽媽相依為命。林穎彤說：「自己都畀角色感動，拍攝時都投放咗自己感情落去，用自己身世去感受去演戲，劇中同爸爸嘅對白都好感動。（有冇幻想對方是爸爸？）冇，我同爸爸好耐冇見，一歲開始已冇聯絡，都係聽媽媽講，對爸爸嘅印象好模糊。（生死都唔知？）知道佢未死，佢都有自己嘅家庭同生活。（想唔想見爸爸？）唔想，因為我要保護媽媽，由細到大我都係跟住媽媽捱窮捱大，但都希望爸爸過得好、健康同開心。（有冇嬲爸爸？）細個會唔開心，有啲嬲，因為寫手冊父母嗰欄都唔識寫，有人問起爸爸都會尷尬。反而依家長大就唔覺得有咩唔光彩，最緊要畀心機做嘢報答媽媽。」