勁「峰」騷！Clara暗示古仔係理想男友
20160811
東網電視
更多新聞短片
Clara一知道古仔冇女友，即刻大晒「得米」手勢，認真嗒古仔糖。
被喻為「全球第二美女」的韓國女星李成敏（Clara），日前來港宣傳電影《使徒行者》，戲中扮演Sexy Killer的她，以火辣泳裝登場，搞到全場嘩然，且化身「韓版史嘉娜祖漢遜」追殺古天樂（古仔）及佘詩曼，令電影氣氛變得緊湊。談到今次來港與古仔大演對手戲，她透過翻譯，對這位型男讚口不絕﹕「我當然知道佢係人氣男神，所以開工之前嗰晚我緊張到瞓唔着，碰面初時都覺得佢好認真、比較少說話，但原來相處落佢好Nice，拍動作戲當然會有危險啦，不過佢會保護我，好Gentleman及細心，又Lead住我做戲，令我好安心。」
晒「得米」手勢
Clara沒有否認古仔是自己心目中的理想類型，當記者表示古仔仍單身時，靚女毫不造作擺出一個「得米」的手勢，不過卻忽然改用英語說：「It's too far away﹗」似沒有信心維持遠距離戀愛。其實Clara對香港情有獨鍾，直言很想來港闖影壇，問到最希望與哪位演員或導演合作，她認真表示：「我只係新人唔應該選擇，希望大家可以畀機會我，總之同邊個合作都係開心嘅。」
Keep Fit秘訣
雖然號稱「神級美女」，Clara卻「唔錫身」，拍《使》片搞到周身傷，她卻大叫好玩，且不諱言想繼續走打女路線。談到其Fit爆身形，她答﹕「真係要食清淡啲，戒晒所有刺激性食物，每日要抽個半鐘做運動，且要持之以恒。」
化妝:Elaw Wong@thelook-studio.com
髮型﹕MarcoChan@marcochan.pro
場地提供﹕如心艾朗酒店
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：