【唔想做花瓶】湯洛雯用演技換滿足感

20160812
東網電視
更多新聞短片
湯洛雯現階段唔會為愛情設界線,一切隨緣。

藝員湯洛雯近近期一劇接一劇忙過不停,在劇集《完美叛侶》中飾演暗戀黃智賢的角色戲份亦相當多,湯洛雯笑謂讀書時也有試過暗戀滋味,她說:「佢係我學長嚟,初時暗戀佢,之後佢又對我好好喎,大家情投意合,但係我發現咗佢有女朋友,於是就唔再同佢聯絡,自己好抗拒花心男。」

唔介意年齡睇緣份

劇中黃智賢是湯洛雯的姐夫,但家姐在她小時候已經離世,後來黃智賢就與湯洛雯相依為命,她負責照顧姐夫起居飲飯及日常生活,並漸漸互生情愫,問到湯洛雯會否喜歡成熟男士?她說:「我自己係一個大細路,以為需要一個成熟啲嘅男士,但結果出嚟唔係嗰樣嘢,依家唔會劃定界限,睇緣份安排。」

唔想人讚靚女

以往戀愛大過天的湯洛雯現時專注發展事業,希望工作有成績,能得到觀眾認同,她說: 「拍劇之後好享受演繹唔同角色嘅挑戰性,以前有人讚靚女會好開心,依家反而睇重人哋留意我嘅工作,好似之前《火線下的江湖大佬》飾演年青版陳煒,觀眾讚我做得好好,覺得好開心,好有滿足感。」