Celia K.新婚搵屋搬：睇一千萬以下嘅樓

?模郭穎兒（Celia K.）日前於網上公布與文詠珊（JM）舊愛李冠鋒婚訊，她現身英皇電影《幸運是我》首映時，手上戴上巨型閃爆訂婚鑽戒及婚戒，對於現場傳媒稱她為李太，Celia頻說多謝，但就笑指還未適應。

談到求婚過程，Celia直言不夠浪漫：「好行囉！嗰晚食完飯落街散步之後，見將啲燈整成心形咁求囉！」更指將於10月在金鐘萬豪酒店筵開30席，對於酒店英文名有個J字，Celia想了片刻才恍然大悟，但仍大方謂：「咁如果有間酒店叫CK，佢都會揀嘅。」

問到他們可會邀請前度出席婚宴？Celia直言沒所謂，自言有請前度們：「我都係一、兩個啫，都做得番朋友，老公應該唔知邊個係，佢嗰啲前度就話知啫！（同老爺相處點？）佢哋好錫我，成家都係一齊住，但之後會搬出去，睇緊樓，都幾鍾意深井，會睇一千萬以下嘅！（獨立屋？）有睇，不過好貴。」

對於拍拖一年便閃婚，問到是否有BB? Celia謂：「呢個等我返去驗一驗先，係嘅話三個月後話你哋知，其實我都鍾意小朋友，隨時ready，拍拖嗰時都ready，但家人傳統，想我哋結婚後先有BB。」